Otro siman lo haci esey na Cueba di Fontein
ORANJESTAD (AAN): Fundacion Parke Nacional Aruba (FPNA) a divulga, cu tanto e Cueba Fontein y Cueba Quadirikiri ta bay ricibi un trabao di mantenimento tanto e siman aki, como siguiente siman.
Esaki ta pa sigura e seguridad y proteccion di e cueba, e park rangers y e bishitantenan.
Esey nifica cu cada Cueba lo ta cera pa algun ora tur dia, y esaki ta depende di cada Cueba.
Cueba Quadirikiri: Trabaonan lo ser haci na e Cueba aki riba dianan 12, 13, y 14 di Maart 2024. E trabao lo bay ta aki for di 9:00 am te cu 10:00 am.
Esey nifica, cu tur e tres dianan aki, e Cueba Quadirikiri lo ta habri bek for di 10:00 am te cu 4:00 pm pa publico.
Cueba Fontein: Trabaonan lo ser haci na e Cueba aki riba dianan 19, 20, y 21 di Maart 2024. E trabao lo bay ta aki for di 9:00 am te cu 2:00 pm.
Esey nifcia cu tur e tres dianan aki, e Cueba Fontein lo ta habri bek for di 2:00 pm te cu 4:00 pm pa publico.
Publico ta ser pidi pa por fabor tene cuenta cu e horarionan di operacion pa e dianan aki pa bo referencia y plan.
Nan ta aprecia bo colaboracion y comprendemento durante e proceso di mantenimento aki.
