Den tension militar creciente crisis Ukraine ta drenta fase nobo --- *Gobierno Mericano a extende proteccion di Citgo cu un aña --- *Siman nobo lo habri cu decisionnan importante comercio mundial
ORANJESTAD (AAN) — Un conflicto arma entre e podernan mas grandi comunista y mundo liber, te awor a limita su mes na incidentenan pa cual a haya solucion.
2022 cu segun mundo mester a bira e temporada pa bandona e problemanan serio crea pa Covid-19, a presenta mundo cu un panorama pa cual segun expertonan mundo mester tabata prepara, pero sinembargo, ta causa situacionnan cu por considera di emergencia mundial.
Te awor e posibilidad di un confrontacion arma, ta e punto cu mas atencion a haya den noticia internacional.
Kico un confrontacion militar lo nifica realmente y con aliansa mundial lo ta, ta e pregunta grandi rond mundo.
E siman cu a termina a duna prueba, cu uno di e urgencianan grandi lo ta, kico lo pasa cu un Ukraine completamente isola di mundo y asina di comercio pero tambe kico lo pasa cu comercio mundial, cu ya a sufri na un forma pisa di e Pandemia Covid-19.
Cu tin tur motibo pa preocupacion pa economia mundial, ta bini dilanti den e realidadnan cu ta menos conoci cu e informacionnan militar y di poder mundial aspira pa tanto pais of conhunto di pais na mundo.
Final di Union Sovietico y caida di e muraya di Berlin, a presenta na mundo e pensamento cu e hostilidad entre e cadenanan Este y Oeste, a relaha.
Actividad comercial entre e podernan mundial no ta di acuerdo mas cu e actividadnan militar y tabata parce cu tension mundial a relaha.
Comercio entre e paisnan di e dos blokenan a sigui su propio rumbo mientras e ciudadano comun y coriente na mundo, solamente tabata preocupa su mes na momento cu un barco nabegando bou un bandera, tabata acerca un pais cu un bandera cu no tabata di amigo.
Ora contempla e situacion comercial mundial, por mira hopi actividad comercial entre Esta y Oeste.
Esaki a haci cu e problemanan militar na Ukraine, a bira motibo di preocupacion pa loke por pasa cu economia mundial, cu a conoce aumento di prijs di petroleo y gas den e situacion nobo.
Pero tambe e forsa di monedanan di e paisnan mas poderoso di mundo, a duna muestra di wordo afecta pa e situacion mundial.
Un siman di tension mundial basa riba poder militar a habri mientras e arma principal di Rusia contra Ukraine ta duna prueba kico lo por spera den e desaroyonan nobo.
Ukraine no por importa ni exporta mas cu su frontera condena pa militarnan Ruso.
Economia di Ukraine tabata crece fuertemente a base di su relacion cu Merca y Union Europeo, cu a haci cu companianan Mericano y Europeo tin interes na Ukraine, cu ta mira su moneda cay.
E fortalesa di moneda di e diferente paisnan den e siman nobo, lo ta uno di e preocupacionnan pa Oeste pero tambe pa Este.
Realidad ta, cu por ehempel Merca ta depende di entrega di petroleo Ruso pa un parti considerabel di su companianan cu ta produci productonan petrolero.
Un ehempel clave di e realidad mundial ta e compania Citgo den cual Rusia tin mitar di e accionnan. Merca a extende su medidanan pa evita confiscacion y benta di Citgo durante 2022.
Interesnan financiero enorme ta na wega den e situacion mundial loke ta bini dilanti na Venezuela tambe.
Na 2020 e compania Mericano Chevron, cu a haya permiso special di Merca, a haya permiso special di Merca pa continua su actividadnan comercial na Venezuela caminda e mester a lubida 2.6 Biyon cu e mester a scrap di entrada cu mester a drenta.
Chevron ta partner di PDVSA den cuatro campo di azeta y awor ta trata na recupera loke el a perde. Esaki ta nifica cu e mester yuda Venezuela cu produccion petrolero di e pais.
Un siman sumamente imporante pa seguridad mundial ta spera mundo, cu mester tene na consideracion otro aspectonan importante.
Globalisacion no ta solamente migracion di hende pero tambe di mundo di negoshi di cual comunismo tambe ta depende.
