Rosa Leon, coordinador ta splica:
ORANJESTAD (AAN) – Rosa Leon, di Hunto Grandi, Grandi Hunto, den entrevista cu DIARIO a elabora tocante un proyecto cu a wordo lanza aña pasa caba, titula “Dedicated”, cu ta consisti di cuido pa personanan den etapa di cuido paliativo.
E proyecto aki ta un “palliative zorg” pa personanan cu demencia, mirando cu e proyecto aki a cuminza na 2017 na Hulanda, unda nos tabata tin un bunita grupo di samenwerking, y a mira e importancia di trece e proyecto aki na Aruba.
“E bunita di esaki ta cu tres instancia ta trahando hunto. Nos ta trahando hunto cu SABA, Cas Marie, y mi persona, na unda cu nos ta, practicamente, embahadornan di Aruba den e proyecto aki, y ultimo dos dianan nos ta dunando nos conocemento na otro personalnan, sea di e zorg of di e casnan di cuido, unda cu nos kier ‘bright uit’ mas e proyecto y mira e importancia di por duna un persona den su etapanan di palliative zorg, un bon calidad di bida”, Rosa Leon a subraya.
“Na Aruba tin dos diferente pensamento di ‘palliative zorg’ (cuido paliativo), cu bo ta kere cu e persona ya ta den su etapa final, anto, kico un persona por sinti, pasobra e tin sentimento te su ultimo dia di bida, y riba esey nos ta purba di enfoca. Y pa cada un di nos ta conta te ora nos ta hala nos ultimo rosea, anto ki enfermedad bo tin ta importante, pa por duna e cuido y amo necesario na e persona ey, individual” Rosa Leon a subraya.
El a sigui bisa cu nan ta bay duna e conocemento aki na otro instancia nan cu kier tin e conocecento di e cuido paliativo pa personanan cu demencia. “Esey ta e meta pero cu no keda na nos solamente pero pa bright uit pa tur otro hende cu mester di dje”, Rosa Leon a señala.
