Segun Thomas Ruiz, Secretario di VRA:
ORANJESTAD (AAN) — Thomas Ruiz, Secretario di Vereniging Rijscholen Aruba (VRA), den entrevista cu DIARIO a señala cu e problema di rijbewijs na Aruba ta gigantesco.
Ex-Minister Andin Bikker, bao advies di VRA a lanta e prome Comision pa e reforma di examen di rijbewijs, cu a cambia pa digital pero segun nan tabata trahando den e Comision a ripara cu e problema no ta keda na examen so.
El a expresa cu examen mester drecha, mester wordo reforma sigur, pero tambe nan mester wak nan mes den spiel como Rijschool y como instructor. Ruiz ta haya cu tambe mester reforma e sistema con ta regula e scolnan di rijbewijs y e instructornan y pesey nan ta bay, conhuntamente cu e Comision, regula e rijschoolnan cu ta solamente inscribi na Camara di Comercio y Industria (KvK), y cu ta paga belasting. Y solamente e instructornan certifica lo por duna e servicio di preparacion pa duna rijbewijs.
E ta un sistema pa proteha e rijschoolnan y e consumidor, Ruiz a subraya. Pero no ta esey so, sino cu e departamento mes, mester independiza y sali for di KPA, y esaki ta wordo bisa for di 2005 caba y aworaki ta birando un realidad.
