ORANJESTAD (AAN): Prome Minister Evelyn Wever-Croes a splica durante su programa 'Live cu Tanchi Eve' cu e plan pa loke ta Serlimar
ta pa saca e compania for di e 'surseance van betaling' y hacie bek un compania fuerte para riba su pia.
El a bisa cu e hunta cu tin actualmente tin esey como instruccion y nan ta trahando riba dje.
Serlimar mester di entrada, a remarca. Pesey nan ta cobrando. Mester pone para riba pia y sak'e for di e 'surseance van betaling' cu hues a impone.
E mandatario a splica cu aworaki esey ta e meta principal pa haci Serlimar un compania cu ta para fuertemente riba su pia y asina evita cu na September hues laga e compania bay totalmente bancarota.
Aworaki ta bayendo den bon direccion. Lamentablemente gobierno a cay y eleccion ta bin mas tempran y gobierno no por a keda cla cu esey na tempo. "Pero cu poder di Dios cos ta bay bon cu e eleccion aki tambe cu nos por sigui traha pa rescata e compania aki, hacie un compania cu ta financieramente solido tambe", Wever-Croes a señala.
Den su opinion, Serlimar ta haciendo un tremendo trabao. Nan ta sigui piki sushi y pueblo por conta riba Serlimar.
Aworaki ta poniendo esfuerzo pa haci e compania solidamente bek, Minister Presidente a declara.
