Minister Maduro a sugeri SMAC pa organisa un fundraising --- *28 di Februari so ta dia liber
ORANJESTAD (AAN): Siman pasa a keda anuncia cu SMAC a haya lus berde di CrisisTeam pa organisa eventonan di Carnaval den luna di Juli proximo.
Minister di Cultura Xiomara Maduro a duna di conoce cu SMAC a laga sa cu nan lo reuni cu ne pa asina pa por dicidi kico e eventonan ta bay bira.
El a bisa cu den combersacion cu SMAC, el a sugeri pa haci un 'fundraising event' grandi pa e gruponan tambe por haya oportunidad y por yega na e fondonan necesario pa asina 2023 por sali c'un carnaval manera cu semper Aruba conoce y cu turista ta bin p'e tambe.
Maduro a agrega cu e aña aki, 28 di februari, Departamento di Labor a publica caba cu ta un dia liber. Na juli e intencion no ta pa bin c'un carnaval, pero c'un evento grandi pa racauda fondo pa carnaval.
No ta bay ta un periodo manera tur hende conoce y cu na Juli ta bay tin un carnaval. Esey no ta e intencion.
E parti cu si tin liber of no ta keda for di discusion, a remarca.
