Mandel Jacopucci, PR Fundacion Movimento ta Bida:
*Hopi famia ta join y asina a bira hopi popular
ORANJESTAD (AAN) – Mandel Jacopucci, Relacionista Publico di Fundacion Movimento ta Bida, den entrevista cu DIARIO relaciona cu eventonan cu nan ta organizando pa clausura aña 2024, el a menciona tambe Canamento den Naturaleza y Hiking.
Jacopucci a bisa cu ambos evento ta hopi popular. Nan ta cuminza e fin di siman aki, Diasabra 14 di September, y e biaha aki por cana riba Diasabra of Diadomingo den sentido cu otro siman e canamento lo ta riba Diadomingo 21 di September.
“Akinan si tin un excepcion ya cu no ta solamente pa 60 plussers; el a bira asina popular cu tambe famianan ta join y asina e grupo ta bira mas grandi. Riba nos facebook page por haya tur informacion di loke ta pasando, por wak tur e flyers cu informacion di e proyectonan, y mi ta aconseha pa subi facebook page y haya tur e informacion con pa registra, y bo ta haya tambe e link con bo por yega na e localidad unda e hike ta cuminza. Esaki tambe ta conta pa Move cu Diabetes y Fysio-fit”, Jacopucci a indica.
El a haci un invitacion na pueblo en general pa cumpra nan carchi pa e song festival pa apoya e participantenan. “No lubida cu movecion ta hopi importante pa ora bo ta un persona 60 plus, mas cu nunca. Pues, mi ta kere den ‘acting aging’ y mi ta comparti tambe experiencia di mi mes pa activa, invita, tur cu ta sigui e entrevista aki pa sigui move y join un di e actividadnan aki”, señora Mandel Jacopucci a conclui.
