ORANJESTAD (AAN): Dia 24 di September e di tres Climate Action Aruba lo tuma lugar. Esaki ta un evenemento di ciudadanonan, studiantenan, hobennan preocupa cu e situacion cu e clima.
Nan ta pidi e gobierno nobo pa actua urgentemente y tuma mas medidanan pa para e keintamento di nos tera y e destruccion di medio ambiente.
Ta invita e docentenan y nan studiantenan, e muchanan un biaha mas pa participa. E ta pa nan futuro, nan tin cu crese cu e problema y e consecuencianan di e cambio di e clima.
Den e siman prome cu dia 24 por haci algo den e klas caba tocante e clima y naturalesa y kico por wordo haci. Tin klasnan cu ta planta mata, tin cu ta pinta algo cu e tema di clima, tin cu ta canta cantica.
E aña aki, dor di Covid, no ta pidi boso presencia fisico, pero si di pone boso zapatonan como simbolo, saca potret y post esey riba e Facebook Page Climate Action Aruba cu e hashtag: #ClimateActionAruba3.0
Riba nan Facebook Page por lesa mas tocante e accion y e peticion pa e clima.
Climate Action Aruba a wordo inspira dor di e acshonan di #GretaThunberg y #FridaysforFuture
Nan no ta conecta cu ningun partido politico y nan no ta wordo gesponsored .
Spera di wak e potretnan di boso Climate Actions!
