Preparacion pa temporada di horcan:
ORANJESTAD (AAN): Departamento di Salud di Aruba ta dunando algun recomendacion relaciona cu e temporada di horcan.
Nan ta indica cu despues di pasada di un horcan, e proceso di restauracion ta cuminsa. Restauracion di no unicamente locual ta material, pero tambe restauracion emocional. Pa hopi persona, experencia un horcan por ta un acontecimento traumatico of tristo, pa cual motibo ta importante pa scucha otro y brinda un schouder pa yora y desahoga, ora ta necesario.
Pa locual ta restauracion di propiedad y vivienda, sea cuidadoso na momento di haci limpiesa paden y pafo di cas. Deshaci di tur alimento cu por ta un peliger pa salud di bo mes y bo famia, manera cuminda cu a muha cu awa di yobida of cu a ‘defrost’.
Tambe kita for di den caminda materialnan kibra y peligroso manera glas, palo y mas.
E dianan despues di pasada di un horcan, por ta dianan dificil yena di angustia y inseguridad. E miho conseho ta pa busca refugio, consuelo y sosten cerca famianan cercano.
