ORANJESTAD (AAN): Dos biaha pa luna, Ministro Geoffrey Wever ta reuni cu Presidente di Banco Central di Aruba senora Jane Semeleer.
El a splica cu e reunionnan aki ta pa intercambia di pensamento riba varios topico di importancia pa Aruba su economia, e finansa publico y e sistema monetario.
Den e ultimo reunion, e titular di Finanzas y e President di Banco Central a papia encuanto desaroyo economico na Merca, e accion di FED na Merca di siman pasa unda a ahusta e interes marginalmente, performance di nos economia y entradanan di Gobierno di Aruba.
Ministro a duna señora Semeleer un update di diferente proyecto cu nos ta trahando riba dje, entre otro e creacion di un fondo di inversion cu lo cuminsa cu un capital di Afl. 50 miyon. Ministro ta opina, cu como gobernante e trabao hunto cu tur e profesionalnan, lo yuda e isla bira uno mas fuerte tur hende.
