ORANJESTAD (AAN)-- Ir. Edwin Jacobs, director di AZV, den entrevista cu Matutino DIARIO a subraya cu e cuido di dokter di cas a conoce un mehoracion,
entre otro e practica di dokter di cas na San Nicolas tambe a habri, y a percura pa despues di oranan di consulta, tin dokter di cas tambe.
“En general, nos por bisa cu e cuido di dokter di cas tambe a conoce su fortificacion, manera cu nan a palabra den e acuerdo di cuido di 2023, pero e estudio tambe.
“Manera ta conoci, parti di e acuerdo cu Hulanda ta cu e ta bay financia pa dokternan cu a studia den e region por participa tambe den e estudio di dokter di cas na ImSan. Si mi no ta ekivoca tin tres cu lo ta cuminzando e aña aki. Tur ta dokternan cu ta cumpli cu e rekisitonan conoci, y tin dokternan di afo, pero tin dokternan cu a studia akinan.
Pa e dokternan di cas nos tin e AruBIG cu ta indica e paisnan y e estudio cu ta wordo reconoci. E estudio pa dokter di cas un parti ta habri pa esnan cu a studia na Hulanda y un parto pa esnan cu a studia na Aruba cu tin un pre-trayecto caba”, director di AZV a señala.
