Nuebe di nan a perde rijbewijs
ORANJESTAD (AAN): Diasabra tabatin e Parada di Carnaval na San Nicolas. A lo largo di e ruta mes tabatin un monton di oficial di Polis ta controlando.
Pero Cuerpo Policial Aruba tabatin riba caya, tanto prome, durante y despues di parada na San Nicolas un control di trafico dirigi pa unidad motorisa.
E agentenan aki riba Brommer, a bay para na diferente lugar strategicamente pa asina por haci e control di trafico.
En total riba e Diasabra aki, a controla 172 chauffeur di cual 15 persona a keda deteni. Nan a logra gara hasta un persona cu a comete un hit and run.
Vocero di Polis, Liliana Rasmijn a splica cu di e 15 persona deteni, un total di 9 persona a perde nan rijbewijs door di supla hopi mas halto cu ta permiti pa ley.
