Futbol pa U-7 te cu U-13
ORANJESTAD (AAN): Bon noticia pa mucha- y hobennan di Aruba. DIARIO a haya sa cu Diasabra awor ta cera vakantie cu e tremendo 4x4 tournament di Aruba Soccer Academy.
Bini un y tur apoya nos muchanan cu e ASA 4x4 Tournament pa tanto categorianan U-7 te cu categoria U-13. Nan ta cla pa start sali cu mas di 25 team di mucha y hobennan na Centro Deportivo Franklyn Bareño na Piedra Plat. E ta Diasabra 10 Augustus 2024, y ta cuminza desde 8:00 am.
ASA, e academia di futbol mas grandi na Aruba y e region, ta reconoci caba pa organiza dos of mas soccer camps pa anja, y asina apoya y educa hubentud den e bunita deporte di Futbol. Ademas ta informa cu 14 Augustus ta tur training ta start bek pa aña escolar 2024/25.
ASA su coach nan ta profesional y dedica y lo ta assist na veld durante torneo, y tambe lo tin varios referee cu experiencia.
Pa e Torneo aki, ASA a pone disponibel diferente premio: Trofeo pa campeon y sub-campeon, Trofeo pa cada Goalgetter y MVP, y varios premio mas. Tur e participantenan lo por hunga, y e participacion ta solamente 150 Florin pa team. (Team di 4 hungador).
Pa inscribi bo team di sea U-7, of U-9, of U-11, of U-13, bishita e website aki:
Bo por Inscribi bo team di cuatro hungador ainda pa e reto aki di ASA 4x4 Soccer tournament. Esaki ta e evento di futbol mas grandi pa cera temporada di vakantie.
Reglanan di wega: Cada team lo hunga un minimo di 3 wega. Cada wega tin duracion di 14 minuut, pues dos mitar di 7 minuut. Lo bay tin 4 team den cada poule. E prome y dos lugar di poule lo cualifica pa e siguiente rond.
