ORANJESTAD (AAN): E dianan aki, DIARIO ta enfoca riba tur e empleadonan local den mundo di turismo,
cu a sobresali durante 2023 y cu recien a ricibi un tan codicia ‘AHATA Excellence Award’ durante un anochi di gala.
Uno di esnan cu a gana premio ta Diana de la Cruz Garcia. Diana ta un Housekeeper na Boardwalk Hotel Aruba.
Semper e ta un hende caluroso y cu un actitud confortable na huespednan, y su dedicacion remarcable y cu su siguransa den su rol di trabao, a yude gana e AHATA Excellence Award. Masha danki na Diana cu e bunita trabao cu e ta desplegando den mundo di horeca.
