Marelin Maduro di Sindicato TOPA:
ORANJESTAD (AAN)-- Marelin Maduro, funcionario di Sindicato TOPA, den entrevista cu Matutino DIARIO, a splica cu nan a acerca señora Paskel, director di DIMAS, cu tambe ta ubica den e mesun edificio di DAO, unda varios trahado a haya sintomanan cu no por a identifica ainda, kico por ta afectando nan salud.
Den DIMAS tambe tin algun trahado cu a cuminza sinti cierto sintomanan, y tin indicacion cu ta algo cu tin di haber cu nan salud.
Nan a haci caba un test y awor nan ta haciendo assessment mas profundo, pa haya sa kico e lo por ta, y Dialuna nan lo haya resultado kico precis, e lo ta.
Algun trahador di cierto pisonan ta trahando na cas, otronan a wordo ubica, entre otro, na MFAnan, y Dialuna nan lo haya mas concreto kico e ta y nan lo por haci miho escogencia cu ta e salud di e trahadornan.
“Mi ta kere cu otro siman cu lo tin mas claridad cu por indica mas detayadamente tambe na gobierno, pa bin cu un miho solucion, y kico lo haci specificamente, si nan ta keda ey mes of tin cu bay den otro edificio, of na un forma mas determina, busca un solucion”, señora Marelin Maduro a duna di conoce.
