ORANJESTAD (AAN): Directiva di Centro di Bario Playa Pabao ta participa na e hubentud y adultonan di Playa Pabao y di Aruba
en general cu e aña aki lo tuma luga su tradicional competencia di fli. E actividad aki ta tuma lugar diarason 27 di april pues Dia di Rey na Centro di Bario Playa Pabao.
Inscripcion ta tuma lugar riba dia di competencia for di 7:45am pa 8:45am y lo cobra e suma di 7,50 Florin pa fli.
Competencia di fli mes ta cuminsa 9:00 am, y e biaha aki lo competi den 3 categoria: Categoria A di 10 cm – 50 cm. Categoria B di 51 cm – 100 cm. Categoria C di 101 cm – 200 cm.
Tuma bon nota cu den categoria A por acepta maximo 40 fli, Grupo B cu maximo 80 fli, y grupo C cu maximo 40 fli.
Directiva di Centro di Bario Playa Pabao ta pidi participantenan pa tuma bon nota di e categorianan y e orario di inscripcion y ta desea e participantenan tur clase di exito riba e dia aki. Lo tin un bar y cushina bon sorti. Pues bin celebra Aña di Rey den un ambiente familiar na Centro di Bario Playa Pabao.
