Un grupo chikito so a opta pa ricibi J&J
ORANJESTAD (AAN): Chris Goedhart, Beleidsmedewerker di Departamento di Salud (DVG), durante e forum tocante e vacuna cu a pasa na Telearuba dialuna a contesta e pregunta si ta asina cu DVG ta bay sigui aplica e vacuna Johnson & Johnson y pakico no ta sigui cu Pfizer.
El a aclarea cu DVG ta sigui cu e vacuna di Pfizer cu e gran mayoria di e poblacion a ricibi, y tin un grupo chikito di como 20 persona so, a opta pa wordo vacuna cu Johnson & Johnson.
El a bisa cu Aruba ta sigui cu Pfizer cu ta e miho vacuna contra Covid cu tin na mundo, y cu danki Dios Aruba tine.
