ORANJESTAD (AAN): E siman aki, DIARIO a haya sa cu e conocido Danilo Werleman a wordo apunta como Director General di ITP Caribbean desde 3 di Januari 2022.
E conocido directornan di ITP Caribbean pa 25 aña, esta Jan Segers y Coen Geurtsen lo bay dedica mas tempo riba plannan strategico di e compania.
Werleman a caba su opleiding di Hulanda na ‘Scheepvaart en Transport College Group’ na Rotterdam. El a termina su estudio como Maritime Officer. Despues di su estudio el a traha y biaha rond di mundo te cu aña 2006. Na 2006, Werleman a dicidi di emigra na Aruba y a traha un temporada na Valero Refinery. Despues Werleman a tuma e reto como Claims Manager na Nagico Insurances, cu a cuminsa cu 5 empleado y awor ta un di e companianan di seguro di mas grandi di Aruba.
Como un hoben professional, Werleman a continua cu su reto y a fungi como Assistant Director y despues C.E.O. na Garage Cordia di aña 2013 te cu 2020. Na aña 2020 Danilo a cuminsa cu su propio negoshi di Management & Technical Consultant y a haya diferente oportunidad na Aruba, Hulanda, Alemania y Merca. Desde januari 2022, Danilo lo pone tur su conocemento y experticio operational na disposicion di ITP Caribbean, como Director General.
