ORANJESTAD (AAN): Diaranzon Departamento di Mucha y Hoben (DMH) y Bureau Sostenemi (BSOST)
a yega na un convenio laboral, pa por ancra e colaboracion riba structura y proceso di aplica e Codigo di Proteccion pa e muchanan cu ta bishita un Centro di Cuido di Mucha (Kinderopvang) na Aruba.
Durante un conferencia di prensa Diaranzon mainta Sue-Ann Ras di DMH a bisa cu tabata un proceso basta largo pa yega na e punto aki, pasobra ta trata di 5 paso y ta importante pa e centronan di cuido (87 registra) haya un ayudo, pa ora cu tin e sospecho cu a abusa di un mucha, nan haya sa e caminda cu nan tin cu cana haciendo uso di e 5 pasonan di e Codigo di Proteccion. “Nos sa cu Bureau Sostenemi ta nos ‘advies en meldpunt kindermishandeling’ na Aruba, pues pa nos ta hopi importante pa nos por tin e procesonan structura, pero tambe pa nos sa kico nos por spera di otro pa loke ta e aspecto laboral”, segun Ras.
