Na 2023, Aruba a registra rond di 17085
ORANJESTAD (AAN): Segun datonan di Acnur, e agencia di Nacionnan Uni pa refugiadonan, alomenos 7.7 miyon persona a sali for di e pais bisiña Venezuela, buscando proteccion.
E problema politico, economico y social di Venezuela ta causa pa un amento di migracion di su ciudadanonan, cu den busca di oportunidadnan a formaliza of no nan residencia den otro nacionnan di mundo.
Di acuerdo cu dato di Acnur, alomenos 7.7 miyon venezolano a sali di nan pais den busca di proteccion y un bida cu mas bienestar, di ken solamente 69.211 tabata por vota den exterior.
Segun e cifra di e agencia, esaki ta e cinco paisnan cu mas cantidad di ciudadanonan venezolano den nan teritorio:
- Colombia
E pais aki ta e mayor recibido di ciudadanonan migrante di Venezuela, cu un cifra cu a yega na 2.9 miyon persona. Di e total aki, solamente 7.012 tabata por eherce su derecho di voto den e eleccion presidencial. - Peru
Pa e pais Inca, Acnur ta proyecta cu tin riba 1.5 miyon ciudadano venezolano, consolidando su mes como e di dos nacion cu mas migracion di venezolano. Aki solamente 659 persona tabata por vota. - Merca
Pa Merca, ta calcula cu tin alomenos 545.200 venezolano. Den e pais aki, niun tabata por emiti su voto den e eleccion pa motibo di falta di sede consular. - Brasil
Na teritorio brasilero ta calcula cu tin cerca di 510.500 migrante venezolano, aunke no tin cifra exacto di e number di persona cu por a vota. - Spaña
Na e pais aki, e migracion di venezolano ta yega na un total di 477.400 persona, di ken solamente un tiki mas cu 24.000 tabata por vota den e eleccion presidencial cu a tuma luga diadomingo.
Datonan:
- Tin mas di 7,7 miyon persona refugia y migrante di Venezuela na mundo
- Tin mas di 1,2 miyon solicitante di asilo di Venezuela na mundo
- Mas di 347.000 persona di Venezuela reconoci como refugiado
- Mas di 6.5 miyon persona a wordo acoge pa paisnan di Latino America y Caribe
Banda di esaki, por mira cu segun datonan di Statista, na 2023, na Aruba tabata tin 17.085 migrante procedente di Venezuela.
