Casonan activo ta menos di 100 entre residentenan
ORANJESTAD (AAN): Crisis Team a duna di conoce e cifranan di Covid-19 di diabierna y segun resumen 37 persona a recupera,
mientras cu a registra un total di 11 caso nobo di Covid-19, di cual 2 ta no-residente.
E cantidad total di testnan ehecuta diahuebs na e diferente localidadnan na Aruba, entre otro laboratorio di hospital, laboratorionan priva y aeropuerto ta 783 test.
'Positivity rate' entre residentenan ta 8 %.
Casonan activo ta 105 (97 residente). E cantidad di fayecido relaciona cu Covid-19 ta 100.
Hospital a informa cu tin un total di 14 persona interna di cual 6 ta den Cuido Intensivo y 8 riba unidad general di covid.
