Lisette Gomes di Stichting Stop Abuso di Mucha:
*Pasobra tin casonan dificil pa prueba
ORANJESTAD (AAN) — Lisette Gomes, den entrevista cu DIARIO, fundador di Stichting Stop Abuso di Mucha”, a declara cu e casonan di abuso sexual di mucha, ta casonan sumamente dificil den tur sentido.
For di e dolor cu e mucha y su famia ta pasa den dje, te cu e investigacion y na Corte.
“Pakico? Pasobra ta un caso dificil pa prueba. Si bo no tin e pruebanan e peso di, por ehemplo, un rapport di polis, e declaracion di e mucha, ta keda mescos y ora cu Huez haya su papelnan su dilanti, e ta bay wak e full di un otro manera. Dus, e ta lesa loke e ta haya su dilanti anto a base di esey e ta bay haci pregunta, ta bin tratamento di e caso, anto hopi biaha e ta, moeilijk, e ta haci dolor sigur cu si, pasobra nos tin, por ehemplo, un di e casonan di e docente, e mucha ta tur trauma awendia, cu kier a caba cu su mesun bida varios dia. Tin un trauma hopi pisa ta andando, pero ken y con, ken, cu cual prueba nos ta bay demostra, eigenlijk, si enberdad bo kier kere bo yiu, pero ora di tratamento di caso e ta dificil ora di investigacion”, Lisette Gomes a relata.
El a expresa cu tur cos ta cuminza na cas. E ta pidi pa mayornan papia cu nan yiunan riba e tema aki, cu no ta bon pa otro hende mishi cu nan curpa, cu su curpa ta di dje.
“Nos tin cu cuminza yega eynan, pa por ehemplo ora un caso pasa nos tin casonan solido. Ta dificil, pero pa loke mi a lesa di e caso aki y scucha di e famia su declaracionnan, e ta keda hopi dificil”, Lisette a señala.
Gomes a reuni cu Prome Minister, sinembargo na e momentonan aki no tin mucho cos mas pero mester warda un rato mirando tur e plannan cu tin.
“Onderzoek nos tin, nos tin contesta, nos tin cifra di kico ta pasa den e sistema, pero tambe un parti di e caso, pasobra ora nos a haci e sondeo aki nos a papia cu e mayornan y cu e educadornan tambe, dus, nos tin un idea kico ta pasando rond y cu e solucion ta prevencion, alomenos e ta un di nan”, Gomes a bisa.
