ORANJESTAD(AAN)— Dia 25 di Juni 2021, Pueblo di Aruba mester acudi na urna electoral cu na 2021. Ta trata sigur di un eleccion cu ta marca historia di Aruba pa e cantidad di acontecementonan serio cu ta presenta.
E desaroyonan den Partido POR di 2017 pa 2020 sigur a haya atencion di Aruba, cu den e pandemia Covid-19 a mira cambio den e constelacion di Ministronan di POR, cu actualmente ta wordo carga door di Alan Howell, cu tabata causa di caida di Gabinete Wever-Croes a base di investigacion cu Ministerio Publico ta conduci entorno e figura di Alan Howell.
Pa Marisol Lopez-Tromp cu no tabata tin problema pa asumi e puesto di Ministro pa e partido POR despues cu Husticia a start un investigacion contra e Ministerio anterior di POR, Otmar Oduber, 2020 a bira e momento cu el a bolbe como Ministro pero segun informacion cu awor DIARIO a ricibi, cu e Cas di Madushi, cu a haya un brug cu na 2008 a costa Pueblo di Aruba 600 Mil Florin.
Marisol a bula di MEP pa AVP y finalmente pa partido POR den transcurso di su historia politico.
Na 2017 e tabata parti di Partido POR pero na 2020 problema serio a surgi ora el a bira heredero di puesto di Ministro pa POR na momento cu Covid-19 tabata prepara pa asalta Aruba.
Manera DIARIO a publica ayera, Marisol na 2020 lo a percura pa den algun dia su ruman Lelicia Tromp, a regla su erfpacht. DIARIO a puntra si e tereno caminda e Cas di Madushi ta situa tin un destinacion special.
Awe DIARIO ta presenta documentonan cu a ocasiona e pregunta aki cu ta mustra den direccion di plan concreto pa un proyecto, cu lo ta relaciona cu personanan di e circulo directo di Marisol Lopez-Tromp.
Na mes momento DIARIO a ricibi un copia di registro oficial cu ta indica cu e negoshi di ruman di Marisol pa kende e tereno a wordo regla y cu ta Tesorero di e partido nobo cu Marisol Lopez-Tromp a crea pa bay eleccion, lo ta inscribi na adres di Marisol na Malmok.
E pregunta grandi ta bira awor kico a pasa na 2020 mientras Marisol Lopez-Tromp den pleno pandemia a ocasiona un espectaculo tremendo den mundo politico di Aruba.
Informantenan a indica cu ta cuestionistabel cu den ocho dia a regla e tereno pa e ruman di Marisol, cu como Ministro no por firma nada pa su ruman pero mester a laga su “waarnemer” atende caso di su ruman.
Informacion cu DIARIO a compila ta mustra cu na Aruba tin 7 Mil persona ta spera un tereno mientras un persona cu tin un tereno, no ta haya otro.
Informantenan mientrastanto a recorda DIARIO cu pa un Ministro pasa un screening, e mester pone tur interesnan cu e tin, riba nomber di otro persona.
DIARIO ta sigui indaga den e asunto pero awe ta presenta Aruba pruebanan cu ta cay den man di e matutino di Aruba dilanti un eleccion historico pa Aruba.
