ORANJESTAD (AAN): El a hunga su number consistiendo di cuatro cifra, y a agrega un signo zodiacal.
Cu e ticket ey el a hunga pa e sorteo di Zodiac, y el a gana tambe!
Pesey riba Dialuna el a acudi na oficina di Lotto na Playa pa reclama su premio.
Mesora e trahadornan a revisa su ticket si el a pone su firma y e numbernan di banco parti patras, y a scan e barcode.
Computer a confirma cu Carol a gana e suma di 25.000 Florin cu e sorteo di Zodiac Merdia.
Mesora a pasa pa e proceso pa transferi e premio electronicamente pa su cuenta di banco.
Carol a indica cu e ticket ganador el a cumpra na Tonito’s Lottery.
