ORANJESTAD (AAN): Diasabra anochi na momento cu e Parada di Carnaval di ‘Lighting Parade’ a cuminza,
a ser informa cu e aña aki, Carnaval 71 ta wordo dedica na DOW y tambe Serlimar, pa nan fenomenal yudansa y sosten cu nan ta brinda semper durante e epoca aki.
Cada aña semper DOW ta coordina for di trempan cu Polis con nan ta pone baricada a lo largo di e ruta, y despues ta yuda cera e cruzadanan tambe pa asina trafico no por subi mas riba caminda.
Mas patras despues di e rabo di parada, bo ta haya e team dinamico di personal di Serlimar cu ta cana recoge tur baki di sushi, y bari cualkier desperdicio cu a cay riba caminda.
Sin duda alguno, un honor special pa e Dynamic Duo di Carnaval, esta DOW y Serlimar. Aki por mira e team ta pose na salida di Parada. Tambe por mira nan ta preparando pa pone baricada.
