ORANJESTAD (AAN); Un di e weganan di mas popular di Lotto keto bay ta Zodiac.
Bo ta djis escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Carlos a haci tambe, y el a bira feliz ora di realiza cu el a gana. Pesey mes riba Dialuna el a acudi na oficina di Lotto na Playa pa reclama su premio.
Aki nan a revisa su ticket pa check si el a pone su firma parti patras, hunto cu detayes di su cuenta di banco. Ora di a scan e barcode, e computer a indica cu Carlos a gana e suma di 75.000 Florin cu wega di Zodiac Merdia.
Mesora a cuminza cu e proceso pa transferi e premio electronicamente pa su cuenta di banco. Carlos a indica cu e ticket ganador el a cumpra na Rockies Lottery.
