ORANJESTAD (AAN) – E Comision encarga cu celebracion di 200 aña di Oranjestad, ta consisti di Gobierno di Aruba,
Stichting Monumenten Fonds, Oficina di Turismo di Aruba (ATA), Wilhelminastraat Investment Group, Stichting Rancho.
Algun di e ideanan ta pa bin cu un actividad ceremonial, a pensa pa planta 200 mata rond di Oranjestad, cu ta un parti cu a wordo presenta durante un introduccion na Conseho di Minister, y tambe bin cu un moneda conmemorativo dedica na e bicentenario di Oranjestad.
Parti di e celebracion tambe ta encera bin cu un feria grandi den full e parti di Staten di Oranjestad, esta Caya Grandi y e pensamento cu tin ta pa pone 200 tent di diferente mercado, pero tambe por ta cu e negoshi forma parti di e mercado aki, y ademas 4 stage den henter e area, pa asina tin henter un fluho, den henter Oranjestad.
Esaki ta e platteground unda cu e pensamento ta cu bo tin e parke di MANA (Museo Arkeologico Nacional Aruba) y su parkinglot, e parke di “Que pasa” Plaza Daniel Leo y tambe e area di e Plaza Comercial cu ta na final di Caya.
Esaki ta actividadnan cu a pensa entre 24 di Augustus 2024 y 24 Augustus 2025. Pa por celebra henter un aña ta loke diferente instancia y organizacion tin pensa caba. Diferente organizacion tin caba regata, anochi di presentacion y poesia, open dag na Museo, etc., pero cu ta cay bao e 'umbrella' di e tema di celebracion “200 aña di Oranjestad”, entre otro eventonan cu tin planea caba cu lo tuma lugar.
