ORANJESTAD (AAN): E siman aki ta tumando lugar na Aruba e campeonato di UANA Pan American Artisic Swimming 2021.
Aruba caba ta conoci pa a host den pasado diferente campeonato di natacion manera Caribbean Islands Swimming Championships, Cariffa y CCCAN, tur organiza door di Aruba Aquatics Federation.
E biaha aki 200 participante di 14 pais di Sur America, Central America y Caribe lo competi pa e titulo maximo.
Diarason e prome dia di UANA a tuma lugar cu e ceremonia di inauguracion. E campeonato aki lo sigui awe 27 y mañan na Piscina Olympico Roly Bisslik.
