ORANJESTAD (AAN): E artista, printmaker y diseñadora di textil, Elisa Lejuez-Peters, a regala Biblioteca un cuadra titula ‘Green Perspective’.
Pinta den colornan yamativo berde y geel cu ta hala atencion di un y tur.
E obra aki ta duna un sensacion di bida y bunitesa bao awa y riba tera, reuni den composicion. Manera 2 diferente paisahe mezcla den otro. Elisa ta traha cu diferente tecnica pa crea un composicion di patronchi, figura y forma. Un di e tecnicanan cu e ta gusta usa ta Zeefdrukken.
E cuadra aki ta un regalo pa biblioteca den cuadro di su celebracion di ‘75 aña di trabou di biblioteca na Aruba’. E celebracion ta diamars dia 20 di augustus venidero.
Elisa Lejuez-Peters (1973) tin su propio studio na Malmokweg 42 na Aruba, caminda e ta traha y
ta duna workshops. Elisa tin un Masters degree den Arte y a traha pa diferente compania cu ta
produci tela (Textiles) prome cu ela establece su mes na Aruba. Un catalogo di diferente di su
obranan ta obtenibel na biblioteca.
Na 2020 Elisa a pinta e bunita mural na PF Chang’s Restaurant na Gloria Entertainment Complex. Por wak Elisa su obranan na diferente compania y hotel rond Aruba.
