ORANJESTAD (AAN): Baranca Toastmasters Club ta invita comunidad na su Open House cu ta tuma luga diasabra, 29 di November 2025, for di 10:00 am na Biblioteca Nacional.
E Open House ta duna e oportunidad unico pa e bishitante haya informacion tocante Toastmasters y con e Club por yuda desarroya nan confianza, mehora abilidadnan di orador of pubic speaking y liderazgo, desaroya nan nivel personal y profesional.
Durante e evento, asistentenan lo por: (*) Siña con normalmente e reunionnan di Toastmasters ta desaroya den un ambiente amistoso y di cooperacion. (*) Scucha discurso y sinti inspiracion pa e miembronan cu experiencia. (*) Descubri con e programa educativo di Toastmasters ta yuda participante mehora nan comunicacion, organizacion, y habilidadnan di liderazgo. (*) Haci networking cu miembronan y asistente cu ta comparti nan pasion pa desaroyo personal.
“Nos Open House ta un oportunidad pa tur hende cu kier bira un orador of lider mas confiabel, pa wak con Toastmasters por haci e diferencia,” palabranan di TP Vilma Melgar President di Baranca Toastmasters Club. “Nos ta stimula tur hende pa bini, pasa un tempo dushi, y inspira.”
Baranca Toastmasters Club ta parti di Toastmasters International, un organizacion global sin fin di lucro, cu tin mas di 101 aña di existencia, cu ta yuda hende di diferente manera pa bira comunicador y lidernan mas efectivo. E evento ta liber y habri pa tur publico.
Pa mas informacion of pa reserva por contact via e-mail عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
of sigui Baranca Toastmasters riba nos rednan social “The BTC of Aruba”.
