ORANJESTAD (AAN): Banco Central di Aruba (BCA) a publica su ANNUAL STATISTICAL DIGEST 2020 (ASD 2020).
E publicacion estadistico aki ta contene un gran cantidad di datonan economico, financiero y social, incluyendo Aruba su sectornan financiero, real, externo y publico.
Alabes, e ASD 2020 tin varios ilustracion grafico di datonan den e publicacion, cu ta hopi util pa analisis economico financiero y yuda traha recomendacionnan di maneho.
E ASD 2020 ta disponibel riba e website di BCA (www.cbaruba.org). Pa cualkier pregunta of comentario riba e publicacion aki por contact e Departamento di Estadistica di BCA.
