ORANJESTAD (AAN): Riba Diamars e vuelo di Suriname Airways cu tabata wordo bula pa un avion di World Atlantic Airlines
riba e ruta di Miami pa Paramaribo, debi na un dificultad tecnico, a keda na tera na Aruba. E no por a sigui e vuelo pa Suriname.
E ora Suriname Airways a dicidi na busca hotel pa tur 114 pasahero, y a ofrece nan disculpa pa loke a socede. Mecaniconan di e avion a cuminza traha riba esaki pa pone e avion bek den condicion cu e por bula.
Diaranson merdia mes a keda cla cu e avion, y tur pasahero a bay bek Aeropuerto y pa 6:44 pm e McDonnell Douglas MD-83 a lanta pa asina porfin por hiba e pasaheronan pa Paramaribo.
