CARTAGENA: E cooperacion constante di Armada di Colombia, hunto cu Marina Hulandes, cu Guardacosta di Costa Rica, y e Joint Inter Agency Task Force (JIATF) di Southern Command di Merca,
a logra cu a bolbe dal fuertemente narcotraficantenan, ora cu a confisca como 2.072 kilo di cocaina riba Lama Caribe.
E biaha aki, ta informacion di inteligencia di Armada Colombiano, a pone nan traha riba un pista, y a alerta autoridadnan di Costa Rica riba posible presencia di droga abordo di dos speedboat tipo GoFast cu ta pasando e momentonan ey riba awanan teritorial di Costa Rica.
Den e prome operacion, nan a manda algun unidad di Rapid Response cu ta botonan aun mas rapido cu e GoFast aki, y a logra di intercepta nan den e area general di Tortuguero na Costa Rica. Cu forza a logra nan stop e GoFast. Abordo di e boto a bin haya un Colombiano y un Venezolano, kendenan tabata transportando hopi bulto.
Den e bultonan aki a haya pakinan di cocaina, cu a yega na un total di 1.033 kilo.
E di dos operacion, a resulta exitoso y nan a logra confisca 1.039 kilo di cocaina, ora cu a intercepta un otro GoFast na como cinco miya nautico di Bocas del Rio, na Vizcaya, Costa Rica. Aki a detene tres persona, y tur na di nacionalidad costaricense.
