ORANJESTAD (AAN): Ateliers '89 Punto Di Beyas Arte Aruba tin e honor di invita comunidad pa su ultimo exposicion di aña 2021, yama PEGA PEGA.
Un anochi di gala pa celebra y sera e aña a lo maximo.
Cu cuater exposicion den un. Cu presentacion di e resultado di e tres workshopnan andando y di e exposicion actual, Uni ta haci forsa.
Cu e tres workshopnan andando hunto Ateliers'89 a crea un gran fiesta di alegria cu tanto participante den e diferente workshop. Unda cu ta hopi contento cu por a mira atrobe nivel halto di produccion. Un grupo ameno sin kita afor a stress pa un luna pa por destaca y crea obranan di arte di alto nivel.
Cu un di e workshopnan di skirbimento na unda lo cada persona lo lesa voor life, e parti mas bunita cu el a skirbi. Den forma di storia o poesia. Bou guia di e famoso escritor Hulandes Alma Mathijsen. Sigui pa un presentacion di arte di bisti bou guia di Jess Wolff, na unda modelonan lo cana y mustra e publico presente e obhetonan cu nan tin bisti crea den e workshop di Wearable Art.
Na final di e presentacionnan aki lo habri e portanan di e salanan di exposicion na unda por mira e potretnan traha den e workshop di Fotografia dirigi pa Jessy Koeiman di Corsou y Hulanda. Presenta den e sala chikito yama Whitebox.
Na mesun momento por mira den e sala mayor di Ateliers '89 e bunita obranan di e ultimo workshop Uni ta haci forsa. Asina un bes mas ta priminti un anochi sin igual cu diferente obranan y gusto na deleite di un y tur. Acompaña pa Master Dj Adriano Nanof y produccion en general di Brian Solognier. Entrada ta gratis.
