ORANJESTAD (AAN): Riba Diaranson merdia, Aruba Tourism Authority a emiti un declaracion relaciona cu e impasse cu tin entre Ministro di Transporte y Taxistanan di Aruba.
ATA ta bisa cu nan ta agradecido pa e trabao adicional colectivo cu y entre organismo gubernamental y socionan local durante e ultimo 72 ora.
“Nos ta reconoce e complicidad di e situacion, mientras cu ta spera cu tur partido por yega na un acuerdo mutuo mas pronto posibel, mester tene e importancia di nos pilar economico presente.”
“Turismo ta e unico pilar economico y di bienestar di Aruba, nos prioridad ta pa semper sirbi interes general di nos comunidad y di nos bishitantenan. Enfoke riba esaki a bin ta desemboca ya caba den diferente pasonan, local y internacional di parti di ATA.”
Aruba Tourism Authority a finalisa bisando: “Sigui brinda e hospitalidad, cordialidad, y e experiencia cu Aruba ta asina conoci p’e, ta keda e meta”.
