ORANJESTAD (AAN): E tabata algo special, pa honra un persona pa su bon trabao! Recien Aruba Tourism Authority a ricibi bishita di Arthur Giel.
E ta miembro di directiva di Fundacion Centro di Pesca Hadicurari, y su presencia na oficina di ATA, ta cu nan a dicidi di dune un regalo special.
Ta trata di un potret grandi masha espectacular, como un gesto di cariño pa su tantisimo contribucion na promocion di Aruba, y Aruba Tourism Authority a dicidi na dune un regalo.
Arthur a keda masha agradecido pa esaki, y a splica cu e ta sinti cu e lo sigui yuda engrandece e ‘producto Aruba’ cu nos pesca tradicional crioyo.
E potret ta saca dor di e famoso fotografo Raymond Rutting.
