Minister Geoffrey Wever:
*Lo considera impacto di tecnologia di blockchain y cryptocurrency
ORANJESTAD (AAN): Minister Geoffrey B. Wever ta contento pa anuncia cu Aruba a firma un acuerdo cu Comision Economico di Nacionnan Uni pa Latinoamerica y Caribe (UN-ECLAC).
E colaboracion aki lo focus riba traha hunto pa trata tur aspecto di sostene crecemento economico, pero mas specifico pa explora e mundo di oportunidadnan di Fintech, tecnologia di blockchain y cryptocurrency.
United Nations Economic Commission for Latin America and the Caribbean (UN-ECLAC) ta traha pa sostene desaroyo economico den Latinoamerica y Caribe pa fortalece e relacionnan economico entre paisnan y cu otro nacionnan di mundo.
Kico e acuerdo ta incera? Ministerio di Asuntonan Economico, Comunicacion, y Desaroyo Sostenibel di Aruba lo traha hunto cu UN-ECLAC pa compronde e oportunidadnan y desafionan den e sector di Fintech. UNECLAC lo haci investigacion detaya riba posicion di Aruba den e sector di Fintech.
Lo considera riesgonan, oportunidadnan y e impacto di tecnologia di blockchain y cryptocurrency por tin riba nos economia. E investigacion aki lo yuda Aruba tuma desicion informa pa implementa maneho mas bentahoso.
Dicon e ta importante: Aruba a identifica Fintech como un area clave pa crecemento y diversificacion economico. Trahando cu UN-ECLAC, nos kier uza e tecnologianan nobo pa duna nos economia un impluso y adapta na e cambionan den comercio global.
E investigacion aki lo ta crucial pa tuma desicion strategico pa futuro di Fintech y e sector financiero den Aruba.
“Nos acuerdo cu UN-ECLAC ta un paso grandi pa dilanti pa Aruba. Colaborando cu UN-ECLAC, nos kier compronde e potencial di e tecnologianan nobo. Esaki lo yuda nos stimula e sector di Fintech y impulsa crecemento economico,” segun minister Geoffrey B. Wever.
UN-ECLAC a declara di ta contento di por traha cu Aruba riba e proyecto importante aki. 'E investigacion lo duna bista importante den e sector di Fintech, yudando Aruba navega e desafionan y oportunidadnan di e economia digital', un representante di UNECLAC a declara.
