ORANJESTAD (AAN): Biblioteca Nacional Aruba ta invita comunidad pa bishita e exposicion di artista visual Lucia Laclè. Esaki ta habri te fin di maart 2026.
Diaranson awo riba dia di Himno y Bandera, señora Lacle lo ta presente di 10'or pa 12'or di merdia, pa ricibi bishitante y duna splicacion riba su exposicion titula ‘Soul Expression’ .
Señora Lucia Laclè ta presenta un coleccion di 40 cuadra hopi colorido y expresivo. Esaki ta su prome exposicion solo pa publico. Un evento unico cu sigur amantenan di arte lo disfruta di dje.
