ORANJESTAD (AAN): Un di e popular weganan di Lotto keto bay ta Zodiac. Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta exactamente loke Ardley a haci tambe, cumprando su numbernan favorito pa sorteo di Zodiac Anochi, y el a gana tambe.
Pesey riba Diaranson siman pasa el a acudi na oficina di Lotto pa reclama su premio. Aki mesora e empleadonan a scan e barcode di su ticket den e computer, cu a confirma mesora cu el a gana 10.000 Florin cu e wega di Zodiac.
Despues di esey inmediatamente a cuminza cu e proceso pa transferi e premio electronicamente pa su cuenta di banco.
Ardley a indica cu e ticket ganador el a cumpra na Shete Dia Lottery.
