ORANJESTAD (AAN): Diabierna atardi na Bucutiweg, net otro banda di caminda di Varadero Yacht Club,
a habri e showroom y tienda nobo di Deep Water Marine. E directora Caresse Arends a haya e honor di usa un sker pa corta e cabuya diki, den presencia di manager Alfred Lindeborg.
E negoshi ta dirigi riba bende tur sorto di producto y accesorio cu boto- y yatenan tin mester di dje, y nan lo ta encarga tambe cu Outboard Engines.
Un cantidad di invitado tabata presente pa felicita gerencia y admira e surtido amplio cu Deep Water Marine tin.
