ORANJESTAD (AAN): El a hunga su numbernan y a pone un bet perfecto pa nan. Y el a bira feliz ora el a nota cu el a gana.
Pesey mes riba Dialuna, Alex a acudi na oficina di Lotto na Playa pa reclama su premio. Aki mesora e empleadonan di Lotto a check si el a pone su firma na e banda patras di e ticket, y despues a scan e barcode.
E computer di Lotto a confirma instantaneamente cu Alex a gana 10.000 Florin cu e wega di Big 4.
Di e forma ey a sigui cu e proceso pa transferi e premio electronicamente pa su cuenta di banco. Alex a indica cu e ticket ganador el a cumpra na GG Lottery Rei Hing.
