Workshop na caminda di Ateliers ‘89 Punto Di Beyas Arte Aruba
ORANJESTAD (AAN): Durante e ultimo lunanan Ateliers ‘89 a bin ta re-organizando su mes. Renobando asina recientemente su stichting cu un cuerpo nobo y dinámico. Bou di e guia di su voorzitter nobo señor Michael López.
Acompaña e secretaris di e stichting, señora Noraina Pietersz y señor Gibi López, como tesorero. Unda a bin ta escohe door di motibonan fuera di nan alcance, pa cancela e programa planea pa fin di aña 2024. Ta pa e motibo aki a dicidi di bin cu un programa completamente nobo pa fin di e aña. Un programa mucho mas interesante y actual. Na unda den futuro cercano lo concentra na traha cu nos mes un maestro y artistanan. Un cambio pa crea mas oportunidad pa e artistanan local, di Caribe y di e paisnan mas cerca, di Mesoamérica y Suramerica. Sin kita afo e posibilidad pa mundo henter. Den e programa di residencia of di workshop.
E programa nobo lo cuminsa na September di Dialuna 2 pa Diahuebs 26. Cu dos workshop uno di Escultura 3D y e di dos di Dibuho-Pintura.
Na October lo sigui cu Moda for di Dialuna 30 di September pa Diahuebs 24 di October.
Den November Ateliers ‘89 ta invita como institución na e di 15 Bienal de la Habana Cuba 2024 - 2025. Cu participacion di su artistanan na e bienal. Apertura 15 November.
December ta planea pa termina e a aña 2024 en grande. Unda nos lo habri nos exposicion major pa 2024 - 2025, titula Arte Bruto. Cu diferente artistanan local di Ateliers ‘89. Cu su gran programa di apertura invitando un y tur cordialmente, pa ta presente Diadumingo 1 di December pa 6pm, den salanan mayor di exposicion na Ateliers ‘89.
Pero actualmente lo cuminsa di e forma aki cu e programa nobo na Ateliers ‘89. Manera di custumber e workshopan lo ta cuater bes pa siman pa un luna. Y pa amplia e posibilidadnan pa por participa, lo bin cu dos opcion nobo pa un e luna. Cuminsando asina Dialuna 2 di September 2024.
Cu e prome workshop atardi for di Diamars 3 di September, Diahuebs, Diabierna di 3 pa 6pm y Diasabra mainta di 9.30 pa 12.30 pm.
E e di dos workshop lo ta di Dibuho y Pintura. Lo ta anochi di 6.30 pm pa 9.30 pm, di Dialuna pa Diahuebs, pa cuater siman.
E workshopnan aki lo termina tradicionalmente cu un exposicion di e obranan di arte crea durante e dos workshopnan. Ariba Diahuebs 26 di September pa 8:00 pm.
Tayer di Pinta Storianan cu Impacto: Ateliers'89 Ateliers ‘89 ta invita bo cordialmente pa forma parti di e workshop di pintura “Pinta Storianan cu Impacto” guia pa artista visual Aldrich Kelly, cu ta cuminsa dia 2 di september.
Ora nos ta pinta cu nos intuicion, cada movimiento ta bira un porta di entrada pa e alma, revelando berdadnan cu palabranan no por expresa. Bo ta cla pa converti bo creatividad den algo cu ta impacta? Join nos curso di pintura unda cu bo lo ña mas cu djies tecnica, pero tambe descubri con pa conta bo storia dor di arte. Sea bo ta nobo den pintura of bo tin hopi tempo ta pinta, e workshop aki ta diseña pa yuda bo hasi uso di bo intuicion y transform’e den storianan visual poderoso. Bao di guia di Aldrich, boso lo explora con pa usa color, simbolo y boso imaginacion pa trece boso vision unico na bida.
Loke por spera: Tecnicanan nobo: siña e tecnicanan basico y purba metodonan avansa cu lo hiba bo arte na un nivel mas halto. Contamento di Storia den Arte: usa bo memoria, soño y creatividad pa crea obranan di arte cu ta profundamente personal y significativo. Bai cu e flow: No pensa demasiado, ta trata di laga bo intuicion guia bo y wak unda e ta hiba bo. Esaki no ta djies un curso di pintura; e ta un oportunidad pa explora bo banda creativo y conta bo storia dor di bo arte.
Aldrich Kelly ta un artista visual naci y lanta na Aruba. E la biba na Hulanda unda cu e la studia ley internacional y tambe cuminsa desaroya mas e abilidad di papia den publico. Su obra hopi biaha ta cuminca e temanan spiritual cu un influencia di Carl Jung relaciona cu sanacion atravez di trabou di sombra y autenticidad. Durante e añanan e la expresa su arte na Ateliers ‘89 y a participa na diferente exposicionnan.
Pa inscribi: E ta habri pa esnan di 12 aña bay ariba. Por manda email na: عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. of tambe check nan website di aterliers89.org pa esey. Corda cu cuponan ta limita.
