Director di ATIA, Herrick Henriquez:
- Ta tene diferente reunion y sugerencia pa introduccion di BBO na frontera
ORANJESTAD (AAN): Herrick Henriquez, Director na Aruba Trade & Industry Association (ATIA) a duna di conoce cu 2023 tabata tin reto grandi pa comercio di Aruba tanto bon y malo.
El a bisa den entrevista cu a dal algun stap bay dilanti. BBO na frontera a drenta y por a mira y sinti cu prijsnan a subi principalmente den fin di aña, pero toch economia ta bezig ta draai.
"Nos ta hopi contento di dje. Cosnan bon cu a pasa pa nos ta door di tur e meeting cu nos tabata tin cu gobierno, cu ministernan, cu departamentonan concerni. Nos a traha un conexion hopi bon cu vooral e directornan di e departamentonan", a agrega.
Henriquez a sigui bisa cu na december a dicidi cu ta bay reuni cu tur minister y directo. Por a reuni cu Sr. Croes di Departamento di Aduana unda cu a papia di algun reto y cosnan pa 2024 cu ta bay cuminsa. Un di nan por ehempel ta cu per februari ta bay tin luna ta bay tin un momento unda cu tur importador lo por reuni cu ATIA na Aduana pa haci preguntanan.
Tabata tin un sesion asina cu un par di miembro di ATIA na december. El a bay hopi bon, a remarca. Pa Sr. Croes di Aduana y su team tabata algo cu a yuda pa nan tambe por a scucha kico ta pasando den mercado, Herrick Henriquez a indica.
Otro siman lo tin reunion cu directora di Departamento di Impuesto pa duna un 'feedback session' riba impuesto na frontera y tambe ideanan cu a sali for di esey. Un sugerencia cu ATIA a duna ora a implementa BBO na frontera ta pa habri un 'help desk'. DIMP a haci esey y basta hende a uza e sistema aki pa haya informacion, a bisa.
Otro sectornan cu ATIA a mira cu tabata tin un 'issue' tabata e sector medico, e sector di remedi unda cu door di BBO na frontera, remedi ta paga invoerrechten pero no ta paga BBO ora di wordo bendi. "Door cu e trigger ta un invoerrechten, remedi mester a paga BBO anto eynan awo e reto ta pa e hendenan haya nan placa bek, a agrega.
Henriquez a bisa tambe cu esey ta cosnan cu kier papia cu DIMP tambe y pa tin mas sesion pa cu BBO na frontera pasobra ta sinti varios miembro di ATIA a bisa cu nan no ta sigur ki ora nan por haya nan placa bek of con nan tin cu traha cu e sistema nobo.
A indica cu Minister Xiomara Maduro a acerca ATIA pa e curso di Douane Declarant. Tin 24 Douane Declarant nobo na Aruba cu a gradua na December. Por a papia cu Minister Maduro tocante un par di cos y den transcurso di e siman aki a pone riba calender un reunion cu ne pa wak kico ta bay pasa den 2024.
Banda di esaki a reuni cu Minister Geoffrey Wever riba e estado di e economia, plannan pa 2024 pa loke ta e celebracion di 200 aña di Oranjestad, cual ta bay ta un celebracion grandi, a remarca. Na pagina 11 tin mas detaye di esaki.
