ORANJESTAD (AAN): Na Merca a anuncia caba cu e hobennan entre 12 pa 15 aña ta bay haya e vacuna di Covid-19 ya cu e vacuna a wordo aproba door di FDA y finalmente door di CDC.
Pa loke ta Aruba, Prome Minister Evelyn Wever-Croes a laga sa cu te ainda e muchanan na Aruba no ta bay haya e vacuna. Na Aruba ta vacunando te ainda personanan di 18 aña bay ariba.
Berdad cu na Merca a aproba e vacuna Pfizer pa e hobennan, sinembargo ainda Hulanda no a duna aprobacion pa por vacuna e muchanan, e mandatario a indica.
Ta sigui cu e tema aki riba mesa y den dialogo cu Hulanda pa por haya aprobacion pa por uza e vacuna den muchanan di 12 pa 15 aña tambe.
Aruba ta mara na e guia y reglanan di Hulanda y Hulanda ainda no a duna e aprobacion ainda pa por cuminsa cu e vacunacion den e grupo aki di e poblacion.
Premier Wever-Croes a bisa den su programa Live cu Tanchi Eve, cu mester keda pendiente pasobra gobierno ta sigui purba pa esaki bira posibel.
