MEXICO CITY: Na estado, y cu 68 aña di edad? Hopi lo bisa cu esey ta imposible, sinembargo esey ta exactamente loke e actriz mexicana Lyn May a anuncia riba su Instagram account.
“Mi ta hopi contento di anuncia na boso cu mi tin 3 luna y @markosd1official ta contento pasobra e lo bira tata”.
E muher tin un relacion desde 2019 cu e cantante Markos D1 di 38 aña di edad, y el a sorprende su fanaticonan e siman aki ora di divulga e noticia cu e ta embaraza.
Te cu awor no ta conoci si acaso e pareha a huur un vientre pa concebi un baby, sinembargo esey y hopi otro comentario di mofa y tambe di felicitacion, ta loke por a lesa riba e publicacion prome cu e actriz a desactiva e opcion di ‘comenta’.
“Awe ta dia di gaña?” hendenan a skirbi. Algun a pone: “Boso lo bay mira cosnan mas peor segun Bijbel”. Tambe tin otronan cu a skirbi: “Felicitacion señora y mientras hendenan ta papia, abo ta feliz ta sigui braza y sunchi bo homber”.
Tin di menciona cu despues di 8 matrimonio fracasa, e actriz a dicidi na duna un biaha mas un chens na amor y a cuminza un relacion cu e cantante Mericano, kende ta 30 aña mas hoben cune.
