ORANJESTAD (AAN) – Minister di Husticia, Rocco Tjon, a sigui splica den conferencia di prensa, tocante e localidad nobo na unda Warda di Polis di Playa lo wordo ubica,
cu a tene cuenta cu, por ehemplo e mobiliario completamente nobo.
E edificio lo wordo renoba mas ainda (aunke e ta nobo) pa tene cuenta cu tur e aspectonan entre nan e mobiliario, pero tambe e parti di seguridad unda ta bay tin un sistema di intercom cu camara tambe, pa asina garantiza e seguridad y a tene cuenta cu e parti di verlichting. Asina e mandatario a señala.
Ademas di esey, e edificio aki ta bay wordo expande pasobra mester traha un ophoud kamber, entre otro, pa por cumpli cu e rekisitonan di un Warda di Polis.
Na mesun momento lo tin un sistema automatiza, moderno, pa asina por eleva e seguridad tambe. Algo hopi importante, vooral pa e parti di Gobierno, ta e aspecto di mantencion, muy particularmente teniendo na cuenta e parti di schimmel. Esaki ta un parti hopi sensitivo.
“Pues den e contrato cu nos ta firma, tambe den e parti di mantencion, pa loke ta e ‘luchtbehandeling’ y e airenan acondiciona, lo cay structuralmente bao di e compania en cuestion”, e dignatario a subraya.
El a conclui bisando cu su di su banda, e ta sumamente satisfecho y gradici un bez mas na tur stakeholders: Alto Mando, Sindicato di Polis, e compania en cuestion, y obviamente su ministerio, pa di e forma ey por a logra yega na e dia aki.
Seguidamente, minister Tjon a pasa palabra pa señor Arie van Tienderen.
