ORANJESTAD (AAN): Minister di Asuntonan Economico Geoffrey Wever Dialuna
durante un conferencia di prensa a indica cu recientemente a menciona cu lo instala 50 luz den centro di Oranjestad, specialmente den Caya Betico Croes y cu esaki a keda cla.
“E luznan ta funciona bon y ta duna hopi mas claridad anochi den centro di Oranjestad”.
E luz ta trece mas seguridad y mas visibilidad cen centro di ciudad, pues ora cu bo pasa cu auto bo por goza di tur locual centro di ciudad ta ofrece.
Mirando e feedback positivo cu nos a ricibi di diferente comerciante, nos ta bay wak cuanto luz falta, pa por tin full e area completamente ilumina, segun e minister, kende a indica cu a wordo calcula cu 100 palo di luz adicional lo pone cu e area completo di centro di playa lo ta ilumina.
E mandatario a duna di conoce cu ta preparando pa bay cumpra e palonan di luz pa ilumina e area completo y kita un di e preocupacionnan principal cu e comerciantenan a señala.
.
