ORANJESTAD (AAN): Recientemente e organizacion di Harley Owners Group Aruba (HOG Aruba) a tene nan actividad cu a ser yama “Christmas in November Ride & Dinner 2022.”
Nan a dal un bike ride, y na final a reuni pa asina disfruta di nan cena di Pasco. E mesun momento, cu tur di nan ta hunto, a haci uso di e oportunidad pa asina instala nan directiva nobo oficialmente. Nan a wordo desea tur clase di exito cu e trabao nan dilanti.
Tambe a bautisa e vest nobo di HOG Aruba. E biaha aki, e miembro Harold Pereira a bira nan padrino, y Patricia Tromp a bira madrina. Nan a bautisa e vest nobo, y a pasa over como simbolo e martieu di reunion.
Riba combinacion di potret por mira mas di e anochi special cu tur miembro feliz y contento.
