ORANJESTAD (AAN): Taekwondo Team Aruba a participa den Sunshine State Games na Wesley Chapel, Florida Tampa Bay Region den preparacion di e plan di 2026/2027.
Taekwondo Team Aruba a participa cu 4 atleta den categoria di Cadet cu a bringa den categoria -37, -41,-49, -51 y -53 kilo. Master Alberto Klaber ta contento cu e resultado di e atletanan di Taekwondo Team Aruba den Sunshine State Games na Wesley Chapel, Florida Tampa Bay Region. Nan a logra gana 2 Medaya di Oro, 2 Medaya di Plata y 1 Medaya di Brons.
Taekwondo Team Aruba ta gradici Pueblo di Aruba cu a contribui y a haci e biahe di Taekwondo Team Aruba posibel.
