ORANJESTAD (AAN): Centro di Bario y Deporte Dakota ta indica cu e momento a yega pa bisa danki na 2025 cu tabata super exitoso, y nan ta cla pa duna bon bini na 2026.
Pa e motibo aki, Centro di Bario y Deporte Dakota ta organizando un evento riba Diamars dia 30 di December 2025. Pa asina agradece bario y pa mustra aprecio pa tur hende di bario Dakota y tur esnan cu a contribui na nos club den un of otro manera.
Parti mainta: Centro di Bario y Deporte Dakota kier invita henter bario di Dakota y vecindario dia 30 di December 2025. For di 9:30 am ambiente ta cuminsa den club y pa 10:00 am ATA y Zjeto lo bishita club y pone bon ambiente manera semper. Yiu nan saca boso mayor nan di cas y trece nan club laga nan pasa un mainta diferente. Lo tin algun pasa boca y bebida di e manera aki Centro di Bario y Deporte kier duna danki na nos bario y usuario di club.
Parti atardi: Lo tin evento tambe di 4:00 pm te cu 8:00 pm. Ambiente ta sigui pa 5or di parti atardi, pero biaha aki parti pafo di club cu ambiente di Gaita Autentico Gordon disco Nos partner Brouwerij Balashi hunto cu Centro di Bario y Deporte Dakota lo regala e prome 100 bishitante nan un Balashi bon friu. Nos ta celebra y dispidi un 2025 hopi exitoso cu nos Up & Downs, nos a logra hopi. Entre otro, un club hopi mas activo y culminacion di Fase 1 unda a logra construi un rampa.
CBDD ta cla pa bisa 2026 y tur su reto nan un bon bini.
Hunto nan lo warda Parada Nacional di Dande, cu un biaha mas lo bishita Centro di Bario y Deporte Dakota pa celebra hunto e tradicion. Y cu pagara y vuurwerk bisa ayo y danki na 2025 y Bon Bini na 2026, asina aki tambe Centro di Bario y Deporte Dakota lo habri porta pa su celebracion di su 50 aniversario.
Tuma esaki manera un invitacion personal, y nan ta warda tur Dakotero.
